BAUKAU--- Ekipa kovid-19 munisipiu Baukau deside ona atu retira pilar tolu hanesan postu vizilansia iha suku Triloka, logistiku sentru informasaun integradu no voluntario sira husi pilar lima neebe durante fulan rua estabelese, enkuantu pilar rua seluk neebe sei kontinua halao servisu ba kovid-19 nian iha munisipiu mak sentru informasaun integradu munisipiu rasik no sentru vizilansia rua HoREX ho sentru vizilansia eis hospital Tirilolo.
Kestaun ne’e aprezenta husi Prezidente Autoridade Munisipiu Baukau wanhira halao enkontro ho ekipa kovid-19 Munisipiu ba Baucau News hateten pesoal saude no voluntario sira neebe durante ne’e servisu iha sentru vizilansia Triloka deside atu retira nunee reforsa malu ba fila fali halo desinfektan ba fatin publiku sira.
No vizita rutinas ba sidadaun hamutuk atus ida tolu nolu resin tolu neebe re-integra iha sosiadade ne’e, kontinua lao maibe komandu rua husi PNTL no F-FDTL munisipiu Baukau kontinua funsionamentu nafatin iha Triloka hodi responde ba situasaun rai laran tuir orientasaun komado nian.
“Sim, sentru postu vizilansia iha area suku Triloka ita retira, I retira ita husu hela ba komandu rua nee internalmente oinsa mak halo funsionamentu ba iha neeba para responde fila fali ba situasaun iha rai laran tuir orientasoens komandu nian mais pesoal saude ita retira para reforsa malu ba dezinfektasaun komunidade nia uma, vizita rutinas ba sento trinta e sete neebe re-intrega ba sosiadade, depois reforsa ba sentru vizilansia rua needehan PAM Antonio ba Timor Post Tersa feira (26/5) lokraik iha salaun VIP munisipiu.
Nia afirma durante implementasaun estadu emergensia dahuluk sentru informasaun integradu munisipiu hetan apoiu material no sasan nesesidade baziku husi emprezariu, grupus no organizasaun ho voluntariamente sira entrega mai sentru depois sentru zere hodi halao atividade prevensaun surtu kovid-19,
Iha estadu emergensia primeiru no segundu ita hetan voluntariu local ita hetan apoiu solidariedade neebe mai husi 36 grupus ita mos hetan voluntariu apoiu ba linia primeiru 45 pesoas iha tempu besik ita sei fo termu agradese ba sira I hau husu ita kontinua prevene ita ninia, dehan Antonio.
Entertantu komandante polisia munisipiuBaukau superintendente xefi Hermenegildo Goncalves da Cruz hateten komando pntl munisipiu Baukau sauda no agradese ba ekipa neebe durante servisu hamutuk hodi prevene surtu covid-19 laran, nee sai hanesan mos ezemplo diak ba munisipiu seluk no fo agradese mos ba Baukau oan sira ne’ebe fo ona sira nia kontribuisaun ba ekipa prevensaun ba covid-19.
Komandu PNTL Baukau kongratula ba servisu ekipa ninian durante nee tanba ita esforsu apoiu ba servisu hirak neebe ita halo tiha ona, hahu husi aman veteran sira, sosiadade sivil no seluk tankomandante esplika.
Hola parte iha ekontru ne’e mai husi sentru informasaun integradu munisipiu,sosiade sivil, ngo,F-FDTL, PNTL ,religiozu,inklui diretores husi linha servisu ba kovid-19 iha munisipiu Baukau.
Jornalista: Agus Guterres
Editor : Agus Guterres
Komentar
Posting Komentar