Insendiu akontese iha aldeia Osso Oa Suku Tirilolo rejulta uma rua ahi han motuk inklui osan,sasan lakonsege salva

Insendiu akontese iha aldeia Osso-Oa Suku Tirilolo Postu Adminitrativu Baucau Vila, Munisipiu Baucau  iha kinta feira kalan mais ou menus tuku 08;00 Oras timor leste hodi rejulta uma rua ahi  han motuk inklui  osan, sasan, dokumentus no ai-han bazika sira seluk la konsege salva. 

Ba jornalista Radio komunidade  Lian matebean baucau vitima insendiu Pedro da Costa Belo sesta feira ne’e informa insendiu ne’e akontese waihira vitima sai ba reza hamutuk iha familia nia uma no  haluha la hamate lilin ne’ebé antes ne’e sira sunu ikus mai ahi han motuk vitima nia uma ho dapur ida  no alarga tan ba nia oan  nia uma  ho dapur ida, maske familia sira ajuda hodi hamate ahi refere maibé la konsege salva tamba anin maka’as.

Nia hatutan iha akotesemntu insendiu ne’e konsege ahi han motuk  vitima nain rua nia osan  hamutuk rihun tolu atus lima, lima nolu resin lima  inklui sasan, dokumentus no ai-han bazika sira seluk la konsege salva kestaun ne’e hato’o ona ba parte kompotente maibe to’o agora seidauk hetan apoiu emerjensia .

“Kronologia ne’e akontese husi lilin iha meja leten  tamba la hamate lilin, mak lilin halo ahi han uma  to’o uma rua ne’e ahi han motuk hotu tamba uma rua ne’e  tatik kona malu kedas no ema iha duni  no ajuda duni  maibe la konsege salva tanba anin boot, no osan hamutk $2.755 mak ahi han, mortel ida no ropa tradisional mala rua no dokumentus familia  hanesan ficha da familia, sertidaun RDTL  BI no Kartaun Eleitoral no hau nia oan feto nia osan hamutuk $800 mak ahi han motuk no sasan la-hetan salva” hato’o husi Vitima Pedro da Costa Belo iha Aldeia Osso-ua suku Tirilolo, Postu Adminitrativu Baucau Vila, Munisipiu Baucau.  

Iha tempu hanesan Xefe Suku Tirilolo Ricardo Ernesto Belo hateten  insendiu ne’e akontese duni iha aldeia osso-Oa suku tirilolo no ahi han motuk vitima nain rua nia uma  ho osan no sasan balun inklui  ai-han bazika sira seluk no kestaun ne’e hato’o ona ba parte portesaun sivil maibe  to’o agora seidauk bele respoden  apoiu emerjensia ba vitima sira tamba  transporte  transfere hotu ona ba material eleisaun  hodi tula sasan sira ba fatin votasaun.

“Hau telefoni diretamente ona ba komadante ne’ebe hola parte ba iha protesaun sivil nian ne’e, entaun sira iha hela quelikai ,depois sira balu hau husi parte social nian entaun sira balun la hit telefoni, no xefe  protesaun sivil dehan katak aban mak sei ba hare no fo apoiu ba ba vitima sira” Dehan Ernestu

Daudaun ne’e vitima sira provizoriameten hela ho familia hodi hein apoiu emerjesia husi parte kompotente sira.

Jornalista :Agus Guterres

Editor :Ag