Klinika Veteranu David Alex Dai-Tula hetan tan apoiu makina rua husi Konsellu Veteran Australia

Klinika veteranu David Alex dai-Tula hetan tan apoiu makina saúde nian  rua husi Konsellu Kombatentes Libertasaun Nasional  ne’ebe hetan apoiu husi veteran Australia atu garante  saude diak ba veteran sira.

Ba Jornalista Radio Komunidade Lian Matebean Baucau Diretór Klinika Veteran David Alex Dai Tula Riamare  Lionel Guterres segunda feira ne’e hateten agradese ba esforsu Konsellu Kombatentes Libertasaun Nasional no ba konsellu veteranu husi Australia tamba apoiu tan  ona ekipamentu saúde nian ba Klinika Veteranu David Alex Dai-Tula hodi faselita dotór sira atu halo tratmentu saúde ba maluk veteranu sira iha Timor Leste,

Diretór ne’e afirma maske apoiu hirak ne’e seidauk kompletu maibé minimu sufisiente  hodi uza atu halo atendementu ba pasiente sira, makina rua ne’ebé apoiu husi konsellu veteranu Australia mak ho  marka USG ne’ebé ho nia funsaun atu detekta moras laran enkuantu makina ho marka   DURR Dental atu atende ba pasiente moras nehan. 

“Ekipamentu lubun bot ida ne’ebe maka ita nia médiku sira hato’o liu husi veteran Munisipiu Baucau I halo kontaktu diretamente ba iha veteranu Australia, ne’ebe Provizoriu dau-daun Mákina rua maka to’o uluk iha klinika ida ne’e, primeru makina principal nehan ninian ho Exsreraisis ba ulunninian, ne’ebe pronto ona I ohin ita simu tan makina USG, ba konsulta ninia, USG ne nia espesiaidade uza ba iha mioras laran ninian ne’ebe Heportaretik ne’ebe bele lori tuir ba iha área remotas, bele ba foho mos bele lori, ida ne’e fasilita  konsulta internal emjeral nian.” Hato’o husi Diretor Klinika Veteran David Alex Dai Tula Lionel Guterres 15/05 iha  Riamare  Baucau

Iha tempu hanesan Director Hospital Regionál Eduardu Ximenes Baucau  Evangelino Roque Soares hateten husu ba ekipa Servisu Klinika Veteranu David Alex Dai-Tula  atu utuliza asan hirak  ne’e ho didiak nune’e bele uza ba longu prazu nune’e mós nia rekomenda  ba ekipa klinika atu prepara rekursu umanu hodi halo operasaun ba makina hirak  ne’e nune’e labele hetan estragus.

“Ha’u husu ba kordenador klinika buat importante ne’ebe maka belun sira halo depois de ekipa sira halo, ita atu halo saida ba ekipamentu ne’e, ita tenke prepara rekursu para bele utiliza sasan ekipamentus hirak ne’e no ba iha dalan rua, primeru presija treinamentun, segundu Edukasaun formal, agora ekipamentus iha ona, tempu badak  tenke iha asaunida  konkretu dehan katak  nomea ema ida no fatin ida para bele halo treinamentu ba sira para bele halo operasaun ba ekipamentu sira sei lae  sasan hirak ne’e bele hetan estragus no at”Dehan Evangelino

Prezidente Konsellu Kombatentes Libertasaun Nasionál Fernando  Berdu Gusmão hateten esforsu ne’ebé konsellu veteranu halo mak  husu ona apoiu ba pasrseiru sira husi konsellu veteranu Australia maibé nia parte husu ba ekipa Klinika Veteranu David Alex Dai-Tula atu utuliza sasan hirak ne’e ho didiak, alende ne’e nia mós husu ba governu foun ne’ebe sei mai tenke haruka dotór timor oan sira ba estuda iha  rai liu ba dotoramentu nian nune’e bele garante saude veteranu sira nian.

“Hau konfia dotor sira ne’e maibe dotora sira mak seidauk hatene uza sasan sira ne’e tamba ne’e tenke sira aprende didiak lai nune’e ita uza, hodi kura ita nia moras  labele ita simu aban ita estraga fali, hau hakarak husu ba estadu tenke hare ita nia infremeiru no dotora sira ida ne’ebe mak  sdauk hasai kursus dotor ninian wainhira givernu foun sae ona ba tur iha governu tenke haruka ita nia oan sira ne’e ba eskola,la bele konfia deit dotor sira ne’ebe iha ne’e wainhira sira nia distinu  mak sira la iha sasan sira ne’e ita sei la uza” Dehan Berdu

Antes  ne’e Klinika David Alex Dai-tula hetan uluk  ona makina rua hanesan Xrai no makina  nehan no dadaun ne’e sira  hetan tan makina rua, no tuir informasaun sei iha tan akipamentu ne’ebe sei tuir  iha tempu badak.

Jornalista :Agus Guterres

Editor : AG