Sekretariu jerál FFTL (Federasaun Fote Ball Timor-Leste) Nelio Isac sadik AFB (Assosiasaun Fote Ball Baucau) atu kontinua hamorin naran Baucau iha mundu fote ball nian , liu-liu fote ball sub-16 nian tanba tinan rua tu-tuir malu organiza jogu ida nee.
Lia hirak nee hatoo husi sekretariu jeral Nelio Isac iha nia diskursu jogu fote ball klub-16 hateten liu husi esforsu estadu no federasaun fote ball Timor-Leste nian halo relasaun amigavel ho federasaun fote ball Japaun nian konsege fo apoiu ba FFTL atu organiza jogu fote ball ba labarik sira neebe ho idade sanolu resin neen (16).
Nia esplika tinan kotuk asosiasaun fote ball Baucau hetan sorti tanba FFTL eskoilha Baucau sai hanesan responsablidade ida mós atu halo jogus juvinil nian, kontinua nafatin ida nee ba tinan Rihun Rua Rua Nolu hetan nafatin tanba Baucau organiza jogus diak ba labarik idade Sanolu resin Neen (16).
Objetivu prinsipál husi apoiu Japaun nian mai federasaun fote ball neebe atu moviliza atividade fote ball labarik kiik sira nian atu oinsa labarik Timor oan sira bele koñese ona sira nia talentu iha area fote ball hodi nunee azuda ba labarik sira idade sanolu resin sia no Rua Nolu (19), 20 to,o iha senior nian.
“Tanba ida nee mak ohin hau mai iha nee lori mos director teknika relasaun fote ball ninian neebe responsabliza tomak oinsa mak atu halo planu ida neebe adekuadu ba jogus labarik kiikoan too atividade fote ball nian, ema mai husi nasaun Brazil””dehan Sekjer FFTL Nelio Isac iha nia diskursu Sabadu (8/8) lokraik iha estadio Laikana Munisipiu Baucau.
Eis sekretariu estadu juventude disport nee mos kontinua dezafia juventude feto Baucau oan sira hatudu sira ninia talent iha mundu fote ball nian tanba foin dadauk klubu femenina Baucau nian konsege lori Baubau nia naran ba joga iha nasionál mesmu too ikus mai sira lakon.
Presidenti Autóridade Munisípiu Baucau Antonio A. Guterres iha nia abertura husu ba jogadór sira atu hatudu ida-idak nia prestasaun jogu ba adeptus, lakon ka manan mesak Baucau oan deit maibé importante mak kontinua kria pas no estailidade perante jogu.
"Ksolok ida mai Baucau tanba ohin AFB hetan suporta husi FFTL mai realize jogu klubu-16 mai iha ami nia musnipiu tanba laos foin primeira bes maibe tinan kotuk mos jogu iha estadiu ida nee, I lia menon sira neebe ohin fo atu motiva ita boot sira atu oinsa ita boot sira organiza nia an amizade ho disport"dehan PAM Antonio.
Iha tempu hanesan reprezentante SEJD Mario F. Belo senti triste hare kampu tebe bola Laikana oras nee dadauk duut neebe kuda iha laran komesa maran dekor hotu tanba durante nee governu la iha orsamentu atu halo manutensaun.
Hau senti triste hare duut iha kampu laran namlaek hotu ona tanba ita nia governu troka malu, maske nafatin iha oitavu governu tanba hahu kedas fulan Janeiru too ate agora seidauk iha manutensaun no tempu badak hau sei tun ba Dili informa ba SEJD para tau atensaunnia informa.Dehan Mario
Jogu fuote ball sub-16 nee envolve klube sanulu resin ne’en kompostu husi Postu Administrative Lima, Baucau vila, Laga, Queliqai, Venilale no Vemasse, enkuantu postu administrative Baguia la partisipa.
Komentar
Posting Komentar