Langsung ke konten utama

Leonel Do Santos tinan 20 hetan sofre kanek todan tamba hetan sona hosi ema deskoñesidu.

Leonel Do Santos tinan 20 hetan sofre kanek todan iha ulun parte kotuk,kabas no kotuk laran tanba hetan sona husi ema deskoñesidu iha terminal vila-nova Baucau sein motive klaru no vitima transfere kedas ba HoREX Baucau.

Lia hirak ne'e hatoo husi mediku spesiál sala surgical HoREX Baucau Evangelino Roque Soares hateten bainhira vítima lori mai iha hospitál ho kondisaun grave tebes tanba hetan sona ho tudik iha fatin tolu halo vítima ran sai barak.

Nia esplika, hafoin vitima too iha hospitál médiku sira halo kedas asesmentu  ba vitima nia kanek fatin tolu mak hanesan ulun parte kotuk,kabas parte  karuk no kotuk laran parte karuk.

"Horseik kuaze tuku rua lokraik iha pasiente mane ida ho idade 20 ho istoria sira sona malu iha liur iha area terminal mai prezensa iha emergensia depois pasiente mai ho ran sai barak depois ami lori bas ala intervensaun kontinua bas ala operasaun signifika todan tanba ema sona iha fatin tolu primeiru sona iha ulun, segundu iha kabas no ikus sona iha ninia kotuk laran, depois ami halo asesmentu ami hare iha ninia kotuk ho ulun mak ran sai barak"dehan mediku especial sala surgical HoREX Baucau Evangelino Lopes Soares ba Radio'News Kuarta feira (12/8) iha sala surgical HoREX Baucau.

Nia hatutan depois de vitima simu tiha operasaun hosi médiku spesialista sira pasiente transfere kedas ba sala surgikál hodi hetan observasaun kontinua husi dotór sira no dadaun nee vitima iha kondisaun estavel.

"Kondisaun ita nia vitima nian estabil, buat hotu-hotu lao diak, neebe agora nia iha nee hela, intermos de saude nian maibe horsei nia mai nee tudik tabela hela iha ninia kotuk, neebe ami halo tiha asesmentu hasai tiha diak, maske tudik tama iha kotuk laran sentimu sanulu resin hat"dehan Evangelino

Entertantu parte komandu polisia munisípiu Baucau seidauk  hatoo pozisaun ruma ba kazu refere tamba sei iha prosesu investigasau.

Jornalista :Agus Guterres

Editor : Agus Guterres

Komentar

Posting Komentar

Postingan populer dari blog ini

Komando PNTL monta Postu vizilansia iha suku Nunira

Relasona ho kazu sunu no estraga uma komunidade iha Suku Nunira Postu Adminitrativu Laga dadaun ne’e Komando PNTL Munisípiu Baucau monta ona Postu vizilansia iha Suku Nunira atu re-estabiliza fali  estabilidade  hodi  komunidaade halao fali nia aktividade  loro-loron. Lia hirak ne’e hato’o hosi Komandante PNTL Munisípiu Baucau superitendente Xefe Armando Monteiro ba jornalista sira sesta fera ne’e hatete, forsa sira ne’ebé sei halao iha postu  vizilansia refere kompostu hosi  Polisia munisípiu, BOP kompaña Bravo inklui forsa seguransa konjuntu. “Agora dadauk ita nia postu vizilansia iha fatin akontesementu hahu horseik iha tuku ne’en minute tolu nolu ita hari’I no hosi postu ida ne’e ita mos agora dadaun reforsa tan ita nia apoiu hosi baitailaun orden publiku kompani a bravo baucau tantu mos ita nia forsa seguransa konjuntu hosi ita nia SKKO ne’ebe mak estabelese oras tan sei reforsa tan hodi nune’e re-estabiliza fila fali ita nia komunidade suku nunira hodi nune’e aktividade ekonomika
Posting Komentar
Baca selengkapnya

MOP Realize Treinamentu ba Prosesu Tenderizasaun no Documentus

Ministériu Obras Públikas  liu hosi Dirasaun Nasional Aprovisionamentu Dionisio Guterres hateten Objetivu hosi treinamentu ne’e, atu hasae koñesemntu funsionariu sira nia, bainhira estadu implementa  desentralizasaun, funsionariu preparadu ona  atu halo prosesu aprovisionamentu ba tenderizasaun no dokumentus sira tamba durante ne’e  publiku kestiona mak kona-ba prosesu konkursu ba tender maibé sidauk hatene lolos. “ Koalia kona b a tenderizasaun,durante ne’e ema koalia deit dehan prosesu konkursu ba tenderizasaun, maibe nia prosesu hirak ne’e ita seidauk hatene no rona deit, maibe ninia prosesu lolos ne’e mak ida hanesan ne’ebe, tamba ne’e mai fo kapasita ba funsionariu sira munisipiu oinsa prepara sira atu ba futuru dezentraliza, entaun funsionariu sira ne’e iha preparadu ona atu servisu iha administrasun sira ne’e,liu-liu kona ba prosesu aprovizionamentu,tamba prosesu aprovizionamentu ne’e fatin sira ne’ebe mak risku entaun ita presiza tenki hatene regras sira ne’e’’. Dehan Dionisio
Posting Komentar
Baca selengkapnya

Insendiu akontese iha aldeia Osso Oa Suku Tirilolo rejulta uma rua ahi han motuk inklui osan,sasan lakonsege salva

Insendiu akontese iha aldeia Osso-Oa Suku Tirilolo Postu Adminitrativu Baucau Vila, Munisipiu Baucau  iha kinta feira kalan mais ou menus tuku 08;00 Oras timor leste hodi rejulta uma rua ahi  han motuk inklui  osan, sasan, dokumentus no ai-han bazika sira seluk la konsege salva.  Ba jornalista Radio komunidade  Lian matebean baucau vitima insendiu Pedro da Costa Belo sesta feira ne’e informa insendiu ne’e akontese waihira vitima sai ba reza hamutuk iha familia nia uma no  haluha la hamate lilin ne’ebé antes ne’e sira sunu ikus mai ahi han motuk vitima nia uma ho dapur ida  no alarga tan ba nia oan  nia uma  ho dapur ida, maske familia sira ajuda hodi hamate ahi refere maibé la konsege salva tamba anin maka’as. Nia hatutan iha akotesemntu insendiu ne’e konsege ahi han motuk  vitima nain rua nia osan  hamutuk rihun tolu atus lima, lima nolu resin lima  inklui sasan, dokumentus no ai-han bazika sira seluk la konsege salva kestaun ne’e hato’o ona ba parte kompotente maibe to’o agora seidau
Posting Komentar
Baca selengkapnya