Langsung ke konten utama

Komando PNTL Baucau Kaptura Suspeitu nain hat Sona Vitima Leonel Do Santos Freitas iha Terminál Vila Nova Baucau


Komando PNTL munisípiu Baucau kaptura ona suspeitu  nain hat ba kazu sona vítima Leonel do Santos Freitas  iha terminál vila-nova Baucau loron Tersa semana ne’e submete ona ba prosesu investigasaun no sei kontinua aprezenta  ba ministériu Públiku.

Lia hirak ne’e hato’o husi komandante PNTL munisípiu Baucau superintendente xefe Armandu Monteiro hateten hafoin akontesimentu polísia kaptura uluk suspeitu nain rua ho inisiál RS no MJ iha area jurídiku Baucau enkuantu suspeitu nain rua seluk Inisiál EDC no TP kaptura iha dili liu hosi  servisu kordenasaun polísia no forsa defeza.

“Ita kaptura autor nain rua RS ho MJ iha area Baucau no autor nain rua seluk EDC no TP ses an sai husi Baucau hafoin koperasaun kordenasaun servisu informasaun military ho polisia ita buka tuir identifika no lokaliza iha Dili hafoin horseik meudia lori fila fali mai agora dadauk submete ona ba prosesu investigasaun hein katak husi prosesu ne’e ohin remata ona no dadersan tuku sanulu ne’e aprezenta ba ministeriu publika”dehan komandante PNTL munisipiu Baucau superintendente xefe Armando Monteiro ba Radio'News Kinta feira (13/8).

Nia afírma motive akontesimentu ne’e akontese tanba suspeitu sira  hadau vítima nia sasan  no vítima tenta halai tuir atu foti fila fali nia sasan maibé suspeitu sira halo reasaun  sona vítima  iha fatin akontesementu, kondisaun vítima  dadaun ne’e hahu rekopera hafoin hetan tratamentu hosi Médiku iha HoREX Baucau.

“Motivu akontesimentu ne’e akontese tanba suspeitu sira hadau vitima nia sasan no vitima tenta halai tuir depois suspeitu sira halo reasaun hakanek vitima no vitima agora dadauk ninia kondisaun rekopera ona, I suspeitu nain hat agora iha hela sela detensaun komandu PNTL Baucau”dehan Armando.

Entertantu kona-ba   kazu sunu uma iha area postu administrative Laga, komandante ne’e hateten iha duni akontese sunu uma iha  tuku sia ho balun kalan maibe seidauk hatene klaru motivu akontese no sunu uma hira no iha suku ne’ebe.

Jornalista :Agus Guterres

Editor :Agus Guterres

Komentar

Posting Komentar

Postingan populer dari blog ini

Komando PNTL monta Postu vizilansia iha suku Nunira

Relasona ho kazu sunu no estraga uma komunidade iha Suku Nunira Postu Adminitrativu Laga dadaun ne’e Komando PNTL Munisípiu Baucau monta ona Postu vizilansia iha Suku Nunira atu re-estabiliza fali  estabilidade  hodi  komunidaade halao fali nia aktividade  loro-loron. Lia hirak ne’e hato’o hosi Komandante PNTL Munisípiu Baucau superitendente Xefe Armando Monteiro ba jornalista sira sesta fera ne’e hatete, forsa sira ne’ebé sei halao iha postu  vizilansia refere kompostu hosi  Polisia munisípiu, BOP kompaña Bravo inklui forsa seguransa konjuntu. “Agora dadauk ita nia postu vizilansia iha fatin akontesementu hahu horseik iha tuku ne’en minute tolu nolu ita hari’I no hosi postu ida ne’e ita mos agora dadaun reforsa tan ita nia apoiu hosi baitailaun orden publiku kompani a bravo baucau tantu mos ita nia forsa seguransa konjuntu hosi ita nia SKKO ne’ebe mak estabelese oras tan sei reforsa tan hodi nune’e re-estabiliza fila fali ita nia komunidade suku nunira hodi nune’e aktividade ekonomika
Posting Komentar
Baca selengkapnya

MOP Realize Treinamentu ba Prosesu Tenderizasaun no Documentus

Ministériu Obras Públikas  liu hosi Dirasaun Nasional Aprovisionamentu Dionisio Guterres hateten Objetivu hosi treinamentu ne’e, atu hasae koñesemntu funsionariu sira nia, bainhira estadu implementa  desentralizasaun, funsionariu preparadu ona  atu halo prosesu aprovisionamentu ba tenderizasaun no dokumentus sira tamba durante ne’e  publiku kestiona mak kona-ba prosesu konkursu ba tender maibé sidauk hatene lolos. “ Koalia kona b a tenderizasaun,durante ne’e ema koalia deit dehan prosesu konkursu ba tenderizasaun, maibe nia prosesu hirak ne’e ita seidauk hatene no rona deit, maibe ninia prosesu lolos ne’e mak ida hanesan ne’ebe, tamba ne’e mai fo kapasita ba funsionariu sira munisipiu oinsa prepara sira atu ba futuru dezentraliza, entaun funsionariu sira ne’e iha preparadu ona atu servisu iha administrasun sira ne’e,liu-liu kona ba prosesu aprovizionamentu,tamba prosesu aprovizionamentu ne’e fatin sira ne’ebe mak risku entaun ita presiza tenki hatene regras sira ne’e’’. Dehan Dionisio
Posting Komentar
Baca selengkapnya

Insendiu akontese iha aldeia Osso Oa Suku Tirilolo rejulta uma rua ahi han motuk inklui osan,sasan lakonsege salva

Insendiu akontese iha aldeia Osso-Oa Suku Tirilolo Postu Adminitrativu Baucau Vila, Munisipiu Baucau  iha kinta feira kalan mais ou menus tuku 08;00 Oras timor leste hodi rejulta uma rua ahi  han motuk inklui  osan, sasan, dokumentus no ai-han bazika sira seluk la konsege salva.  Ba jornalista Radio komunidade  Lian matebean baucau vitima insendiu Pedro da Costa Belo sesta feira ne’e informa insendiu ne’e akontese waihira vitima sai ba reza hamutuk iha familia nia uma no  haluha la hamate lilin ne’ebé antes ne’e sira sunu ikus mai ahi han motuk vitima nia uma ho dapur ida  no alarga tan ba nia oan  nia uma  ho dapur ida, maske familia sira ajuda hodi hamate ahi refere maibé la konsege salva tamba anin maka’as. Nia hatutan iha akotesemntu insendiu ne’e konsege ahi han motuk  vitima nain rua nia osan  hamutuk rihun tolu atus lima, lima nolu resin lima  inklui sasan, dokumentus no ai-han bazika sira seluk la konsege salva kestaun ne’e hato’o ona ba parte kompotente maibe to’o agora seidau
Posting Komentar
Baca selengkapnya