Extensionista 39 la bele Kobre ba suku 59 iha Munisípiu Baucau hodi Haforsa agrikultór sira iha Baze

Servisu Agrikutura munisípiu Baucau xefe extensionista Isencino Antonio da Silva hateten,Falta extensionista  iha suku defikulta servisu agrikultura munisípiu nian iha baze tanba dadaun ne’e kada postu administrativu suku barak nia estensionista seidauk kompletu, postu balun iha deit estensionista nain tolu to’o nain lima nune’e defisil atinji meta servisu agrikultura nian.

Maske servisu agrikultura munisípiu durante ne’e hato’o ona planu rekrutamentu extensionista nian ba ministériu atu kompleta suku sira ne’ebé seidauk iha maibé to’o agora seidauk iha resposta tanba ministériu sei la’o ho osan duo desimu.

Nia afirma dadaun ne’e  extensionista ne’ebé  iha hamututk ema nain tolu nulu resin sia no sei falta nain rua nulu atu kompleta ba suku lima nolu resin sia iha munisípiu Baucau.  

"extensionista suku balun  oituan no ho distansia do’ok ba malu sira la bele kobre hotu  hodi halo servisu agrikultura nia tanba  governo liu husi ministériu agrikultura seidauk planu hodi halo rekrutamentu ba extensionista foun Defikuldade ne’ebe ami hasoru mak iha postu administrative balun iha deit extensionista ema nain tolu deit kobre ba suku sanulu, depois distansia suku do’ok malu, mais persiza ema para atu kompleta maibe seidauk tanba problema ita agora moris ho osan duo desimo, tina-tinan ami nia planu konaba ida ne’e sempre hato’o”dehan xefe extensionista servisu agrikutura munisípiu Baucau Isencino Antonio da Silva ba Radio'Ñews Kinta feira (13/8) iha nia knar fatin.

Xefe extensionista servisu agrikultura Baucau esplika extensionista nia servisu atu akompaña komunidade agrikultura  oinsa atu  kuda  no tau matan ba animál ne’ebé komunidade hakiak inklui kordena agrikultór oinsa atu hasa’e kualidade produsaun.

“Ami nia servisu extensionista mak akompana agrikultor sira oinsa mak hasae produsaun,depois halo exemplu demonstrasaun demplot ba ita nia agrikultor sira, liu-liu mak ami nia akompainamentu”dehan Insencio. 

Tinan ne’e extensionista servisu agrikultura munisípiu Baucau hamutuk ho agrikultór sira  hetan rezultadu  koileta menus  tanba meus udan ben.

Jornalista:Abrão Freitas

Editór :Agus Guterres