Langsung ke konten utama

Segundu Komadante Komponente Terrestre husu Membru F-FDTL tenke Aproveita Treinamentu PDHJ durante loron 5


Segundu komadante komponente terestre Rejiaun Leste  Falintil-Forsa Defeza Timor Leste Major Hendrique Piedade Alias Fitun husu ba membru F-FDTL atu aporveita treinamentu ne'ebé fornese hosi Provedor Diretus Umanu no Justisa  durante loron lima atu nunee  wainhira tun ba terenu  bele pratika no komanda soldadu sira atu la bele monu ba tentasaun violasaun diretus umanus, tamba tuir knaar neebé lolos hosi F-FDTL  maka atu servi povu no rai doben Timor Leste.

Komadante nee esplika liu tan, husu membru sira atu simu hanoin balun neebé parte ekipa PDHJ fó, hodi sai hanesan bukae  ida atu rai hodi nunee la bele viola diretus umanu sidadaun nian iha terenu.

Iha tempu hanesan Provedor Adjunta Diretus Umanus no Justisa Benicia Eriana Magno  iha nia diskursu hatete Falitil-Forsa Defeza Timor Leste lei inan konstituisaun garante atu fó defeza ba Tiritoria Timor nian no respeitu ba diretu fundamentál no direitus umanus hosi sidadaun sira nian.

Nia hatutan tamba Falintil Forsa Defeza Timor Leste dala barak haluha tiha prinsipiu fundamentál sira,  tamba nee liu hosi treinamnetu  oinsa fo hanoin ba malu  kona-ba dever forsa sira no asegura mos diretu fundamental sidadaun sira nian.

Entertantu  Reprezentante Unidade Diretus Umanu Organizasaun Nasoens Unidus  Maria Amelia De. A iha nia intervensaun hatete, apresia ba  Falinti-Forsa Defeza Timor Leste no Ministériu Defeza ba pasu inportante  hosi instituisaun rua nee nia kompremisu boot hodi hasae diretus umanu  nian iha Timor Leste.

Treinamentu nee partisipa hosi ofisiál komponente terestre F-FDTL Munispiu Baucau  hamutuk ema nain rua nolu resin lima (25 ) no treinamentu nee sei halao durante loron lima hahu hosi segunda feira too sesta feira semana nee.

Data:13/07/20
Jornalista :AG no CP
Editor :Agus Guterres.

Komentar

Posting Komentar

Postingan populer dari blog ini

Komando PNTL monta Postu vizilansia iha suku Nunira

Relasona ho kazu sunu no estraga uma komunidade iha Suku Nunira Postu Adminitrativu Laga dadaun ne’e Komando PNTL Munisípiu Baucau monta ona Postu vizilansia iha Suku Nunira atu re-estabiliza fali  estabilidade  hodi  komunidaade halao fali nia aktividade  loro-loron. Lia hirak ne’e hato’o hosi Komandante PNTL Munisípiu Baucau superitendente Xefe Armando Monteiro ba jornalista sira sesta fera ne’e hatete, forsa sira ne’ebé sei halao iha postu  vizilansia refere kompostu hosi  Polisia munisípiu, BOP kompaña Bravo inklui forsa seguransa konjuntu. “Agora dadauk ita nia postu vizilansia iha fatin akontesementu hahu horseik iha tuku ne’en minute tolu nolu ita hari’I no hosi postu ida ne’e ita mos agora dadaun reforsa tan ita nia apoiu hosi baitailaun orden publiku kompani a bravo baucau tantu mos ita nia forsa seguransa konjuntu hosi ita nia SKKO ne’ebe mak estabelese oras tan sei reforsa tan hodi nune’e re-estabiliza fila fali ita nia komunidade suku nunira hodi nune’e aktividade ekonomika
Posting Komentar
Baca selengkapnya

MOP Realize Treinamentu ba Prosesu Tenderizasaun no Documentus

Ministériu Obras Públikas  liu hosi Dirasaun Nasional Aprovisionamentu Dionisio Guterres hateten Objetivu hosi treinamentu ne’e, atu hasae koñesemntu funsionariu sira nia, bainhira estadu implementa  desentralizasaun, funsionariu preparadu ona  atu halo prosesu aprovisionamentu ba tenderizasaun no dokumentus sira tamba durante ne’e  publiku kestiona mak kona-ba prosesu konkursu ba tender maibé sidauk hatene lolos. “ Koalia kona b a tenderizasaun,durante ne’e ema koalia deit dehan prosesu konkursu ba tenderizasaun, maibe nia prosesu hirak ne’e ita seidauk hatene no rona deit, maibe ninia prosesu lolos ne’e mak ida hanesan ne’ebe, tamba ne’e mai fo kapasita ba funsionariu sira munisipiu oinsa prepara sira atu ba futuru dezentraliza, entaun funsionariu sira ne’e iha preparadu ona atu servisu iha administrasun sira ne’e,liu-liu kona ba prosesu aprovizionamentu,tamba prosesu aprovizionamentu ne’e fatin sira ne’ebe mak risku entaun ita presiza tenki hatene regras sira ne’e’’. Dehan Dionisio
Posting Komentar
Baca selengkapnya

Insendiu akontese iha aldeia Osso Oa Suku Tirilolo rejulta uma rua ahi han motuk inklui osan,sasan lakonsege salva

Insendiu akontese iha aldeia Osso-Oa Suku Tirilolo Postu Adminitrativu Baucau Vila, Munisipiu Baucau  iha kinta feira kalan mais ou menus tuku 08;00 Oras timor leste hodi rejulta uma rua ahi  han motuk inklui  osan, sasan, dokumentus no ai-han bazika sira seluk la konsege salva.  Ba jornalista Radio komunidade  Lian matebean baucau vitima insendiu Pedro da Costa Belo sesta feira ne’e informa insendiu ne’e akontese waihira vitima sai ba reza hamutuk iha familia nia uma no  haluha la hamate lilin ne’ebé antes ne’e sira sunu ikus mai ahi han motuk vitima nia uma ho dapur ida  no alarga tan ba nia oan  nia uma  ho dapur ida, maske familia sira ajuda hodi hamate ahi refere maibé la konsege salva tamba anin maka’as. Nia hatutan iha akotesemntu insendiu ne’e konsege ahi han motuk  vitima nain rua nia osan  hamutuk rihun tolu atus lima, lima nolu resin lima  inklui sasan, dokumentus no ai-han bazika sira seluk la konsege salva kestaun ne’e hato’o ona ba parte kompotente maibe to’o agora seidau
Posting Komentar
Baca selengkapnya