PNTL Baucau Kaptura Jeven Nain Sanolu Resin Lima Ne'ebé Deskonfia Involve Kazu Danu Agravadu iha Suku Namanei

Komadando Polisia Munisípio Baucau Suprintendente Xefe Armando monteiro liu husi Konferensia Imprensa ba  jornalista sira relasiona ho kazu ofensas intégridade simples ,dez-ovidensia ba lei no.5/2017 no danu agravado inklui insendio ne'ebé akontese iha loron sanou resin ualu fulan Jullu tinan ne'e, ne'ebé iha aldeia Loi Rae Suku Namanei, Postu Administrativu Queliqai Munisipiu Baucau hodi Rejulta Uma Rua Hetan sunu  inklui osan no animal hakiak hanesan fahi no manu.

Komadante afirma depois de akontesementu Polisia Eskuadra Quelicai too kedas iha lokál do krimi /hodi halo opersaun konsegue kaptura suspeitu nain hat ho inisial ADB, AGF, AVB NO JV// alende ida nee suspeitu balun / vuntariamentu enrega aan ba komando policia municipio baucau hodi submete ba prosesu indentifikasaun.

“Horseik dia vinte liu husi kordenasaun komunikasaun familia ho autoridade lokal tantu mos ita nia parte seguransa ninian iha suspeitu ida voluntariamente iha vintade suspeitu kopera no entrega an mai apresenta an iha komandu PNTL munisipiu baucau, hafoin ida ne’e mos iha komunikasaun intesiva lao nafatin komandu PNTL munisipiu baucau ho autoridade lokais sira ita nia lider veteranu sira ita nia juventude resistensia sira tantu mos apoiu husi ita nia ekipa servisu intelijen ho servisu sekreta ne’ebe mak halo esforsu maka’as komunikasaun kordenasaun mediasaun ho parte hotu-hotu no ohin madrugada tuku tuku tolu ita nia suspeitu hamutuk nain sanulu liu husi autoridade lokal entrega an tan iha area samagia’’. Dehan Komadante Policia Municipio Baucau Superintendente Xefi  Armanado Monteiro  ba jornalista Radio News,(Tersa 21/7/20).

Entertantu liu husi konferensdia imprensa nee, Komdando Polisia Municipio Baucau apela ba parte ne'ebé mak halo konflitu atu kopera ho Autoridade lokál no siguransa hodi re-estabilza situasaun atu  nune'e komunidade sira bele  halao  nia aktividade hanesan bai-bain.

“Liu husi komferensia imprensa ida ne’e komandu PNTL munisipiu baucau husu no apela nafatin ba parte rua ne’ebe mak komflitu bele hakmatek no kopera ho autoridade lokal tantu mos ita nia postu seguransa provizoria ne’ebe mak agora destakada iha lokal akontesimentu hodi nune’e reestbiliza fila fali hodi nune’e komunidade bele halo aktividade normal hodi sustenta ba sira nia vida moris loro-loron,no labele rona propaganda ne’ebe mak agora dadaun mosu hela iha publiku katak iha parte balun prepara an mobiliza ema atu ba ne’eba hodi halo konflitus ida ne’e hanesan rumoris ida ne’ebe mak agora dadaun lansa hela iha ita nia let atu nune’e hodi sobu ita nia unidade entre baucau oan ho baucau oan rasik tamba ne’e mak hamutuk halo vizilansia’’.Dehan Komadante Munisipiu.

Ba kazu refere parte Polisia Seksaun Investigasaun Kriminál sei aprejenta ba iha Ministério Públiku depois finalize investigasaun.