DNTT Munisípiu Baucau Hahu Reativa Atendementu Transporte//

Diresaun Nasionál Transporte Terrestre Munisípiu Baucau Tersa fera ne’e hahu reativa hikas atendementu ba  kondutores hodi trata dokumentus transposte nian ne’ebe Liu ona Prazu  durante implementasaun estadu emerzensia fulan rua iha  Timor Leste//

Kestaun ne’e aprezenta hosi Director Transporte Terrestre Munisípiu Baucau Roberto da Cruz ba Jornalista  Baucau News hateten realizasaun atendementu dokumentu ba kondutores sira ne’e, halao bazea ba despaisu hosi Diretur Nasional Transporte Terrestre tamba durante fulan rua transporte barak mak dokumentu liu ona prazu maibé parte DNTT sei la fo multa relasiona estadu emerzensia//

Nia afirma durante atendementu Diresaun Servisu Transporte Terrestre sei aplika regras estadu emerzensia nian, hanesan  kliente sira molok trata dokumentu sei faseliman ho sabaun ne’ebe prepara hosi diresaun rasik , uza maskra no distansiamentu sociál atu prevene transmisaun hosi propagasaun surtu covid-19//

“Horseik ami simu orientasaun husi director nasional, dokumentu hirak ne’ebe invalid ka mate iha dia 28 de Marsu mai to’o dia 28 fulan Junu sei la fo multa ba ema ida tan ne’e ho atendementu ida ne’e ami fo hanoin ba kondutores sira katak tenke fase liman ho sabaun, uza mascara no mos halo distansiamentu social  tanba bazeia ba informasaun ne’ebe governu fo sai dehan Timor Lese dehan bele halo atendimentu entaun ami halao bazeia ba orientasaun”Tenik director DTT Baukau Roberto da Cruz

Nia hatutan prosesu atendementu ba kliente sira kada loron simu ema nain tolu nolu ka liu depende rekursu fasilidade wainhira internet  lao normal, tamba dadaun ne’e internet  provizoriamente sei avria no parte tekniku sei halo hela  konsultasaun ba Diresaun Nasional Transporte Terrestre atu hadia iha tempu badak nia laran//

Alende ne’e nia parte mós husu ba kliente sira ne’ebé mai trata dokumentu kareta no motor tenke tau dokumentu iha stopmap ho ko’or tolu(3) mak hanesan ko’or azul ba registu transporte foun nian,ko’or kinur ba inspesaun nian no ko’or matak  ba hamoris karta kondusaun nian 

“Tuir target ami nian loron ida atende kondutores nain 30 maibe tuir posibilidade bele liu maibe konforme kondisaun fasilidade minim ne’ebe iha tanba agora dadauk iha deit komputador ida hodi atende ba departamentu tolu hanesan troka karta inspeksaun, rezistu foun no registu bai-bain ninian” Tenik Roberto.

Iha tempu hanesan kliente Joy Belo hateten senti preokupa ho servisu DNTT Munisipiu Baucau ne’ebé fó informsaun ne’ebé la klaru tamba antes ne’e sira simu ema nain sanolu resin lima maibé  realidade simu, liu ema nain sanolu resin lima, ikus mai, ema ne’ebé simu ona númeru mak sei trata dikumentu maibé tuir despaisu hosi Diresaun Nasional katak klinte sira ne’ebé trata dokumentu transporte liu ona  prazu to’o deit iha loron ualu(8) fulan junu sei la hetan multa, maibe liu ida ne’e, sei hetan multa //

“Ami senti preukupa tebes tanba tempu atu trata dokumentu ne’ebe invalid limitadu dehan to’o deit dia oitu, depois sira iha ne’e fo fali regras katak loron ida simu deit ema nain sanulu resin lima, entaun ami lor-loron mai lakon tempu deit depois to’o data ne’ebe ministeriu fo said ala ruma la hotu” Tenik Joy.

Entertantu komadante PNTL Munisipiu Baucau Superintendente Xefe Hermenegildo Gonsalve da Cruz hateten iha implementasaun estadu emerzensia ne’e  bazea ba derkretu lei numeru ualu(8)  bara rihun rua rua nolu (2020) katak ba tranpsorte puliku no privadu ne’ebé dokumentus mate hosi loron rua nolu resin ualu (28) maiu to’o rua nolu resin ualu (28) junu bara rihun rua rua nolu (2020)  sei la aplika prendesaun selu multa tamba dadaun ne’e ita sei iha  estadu emerzensia nia laran//

             “Orientasaun husi dekretu lei ne’e dehan ba transporte publiku sira tantu privadu no publiku ne’ebe ninia dokumentus mate, husi dia 28 Marsu to’o dia 28 de Junu sei la halo aprezentasaun hodi selu multa tanba estadu emergensia entaun ami polisia halao orientasaun bazeia ba dekretu ida ne’e” Tenik  komandante.

DNTT Munisípiu Baucau sei fó prioridade ba  kliente sira ne’ebé mai hosi munisípiu tolu (3) hanesan Lospalos,Viqueque no Manatutu inklui ferik katus sira no inan isin rua ne’ebe ho kondisaun la premite //